Մի բաժակ բլյուզ
Կիսատ բաժակ, կիսատ սենյակ, կիսատ գործեր, կիսատ կյանք, կիսատ սեր....Ամեն ինչ մի տեսակ կիսատ, ոչ լիարժեք...Կա վաղը, կա հետոն, իսկ հիմա ոչինչ չեմ ուզում: Մի բաժակ բլյուզ, աստղերով ներկված պատուհան: Այսօր ինձ պետք է միայն քամին, երեկվա անձրևից մնացած խոնավությունը, որ կանցնի մաշկիս տակ, բաժակի տակ...Դու էլ ես մի տեսակ կիսատ, հեռու, օտար...Առաստաղից կախված կասկածը հարցական հայացքով կնայի ինձ, կճնշի, կնեղացնի...Ու ես հազարերորդ անգամ ինքս ինձ կտամ հարցեր, որոնց պատասխանը դու էլ չունես:
Հիմա ինձ ոչինչ հարկավոր չէ. կա վաղը, կա հետոն...Իսկ այսօր...Այսօր ես կիսատ եմ...
Комментариев нет:
Отправить комментарий