Ուշացած, անհեթեթ, տխուր պատմություն...
Մայթերի, շշերի, փողոցի մասին:
Շփոթված քայլեր, անծանոթ անցորդ
Ու հիմար կարոտ` ձյունոտ, մտածկոտ,
Թաց ոտնաձայներ, փաթիլների հոտ...
Դու ինձ չես սիրում, ես քեզ չեմ սպասում
Ու ճանապարհներ ` համր, դանդաղկոտ....
Կիթառով տղան արև է ուզում...
Դատարկ փողոցում, դատարկ մայթերին ու տանիքներին ու լուսնի վրա
Ինձ ջերմացնում են ոտնաձայներդ..
Ինձ մի' կարոտիր....Ինձ մի' մոռանա...
Հետո ուշացած, մթին երեկո,
Մի բաժակ գիշեր, մի քիչ լռություն...
Մեզ բաժանում են ձմեռները քո...
Կիթառով տղան լոկ սեր է ուզում...
Комментариев нет:
Отправить комментарий